ВАЖНО ИЗВЕСТУВАЊЕ: НОВА РЕГУЛАТИВА НА ЕВРОПСКАТА КОМИСИЈА

Врз основа на Регулативата на Економската Комисија на ЕУ (EEC) бр. 2454/93 со која се одредуваат одредби за имплементацијата на Регулативата на Советот (EEC) бр. 2913/92 со која се одредуваат цариснките шифри на заедницата, се основа база на податоци наречена Систем за регистрација и идентификација на економски оператори (EORI).

Оваа регулатива одредува за секој економски оператор кој изведува економски активности на територијата на ЕУ таканаречен EORI број, со цел да може да се пренесуваат електронски Царински декларации на самите оператори и во иднина на нивните „Декларации за безбедност“.

Притоа без разлика дали е основан во земја членка на ЕУ или земја надвор од Европската Унија, секој Корисник на ТИР Карнети кој е одговорен за ТИР транспортна операција која започнува, завршува или транзитира преку територијата на ЕУ, ќе треба да добие свој EORI број.

Корисниците на ТИР Карнети основани во земја која не е членка на ЕУ ќе треба да се регистрираат во Царинската администрација на земјата членка на ЕУ каде ја започнуваат нивната прва активност по 1-ви Јули 2009 година (на пр. земја на влез во ЕУ). Штом се добие EORI бројот, ќе може лесно да се препознае од страна на сите земји членки на ЕУ.

Начин на пријавување (во зависност од земјата каде што се врши пријавувањето)

Во принцип, треба да се побара формулар за аплицирање од именуваните власти во земјата каде треба да се изврши регистрацијата.

На формуларот за аплицирање, се препорачува на корисниците на ТИР карнети јасно да го наведат нивниот статус на Овластен корисник на ТИР карнет, и да го наведат нивниот кориснички идентификациски број на ТИР карнет (MKD/065/XXXX): каде што MKD е кратенка за државата, 065 е кодот на државата при ИРУ, а XXXX е број на Корисник на ТИР Карнети за да може истиот да се искористи за процесот на EORI регистрирање.

Како дополнување на формуларот за аплицирање, од апликантот може да се бара да достави документ од бизнис регистерот на неговата земја. Пример за ваков документ би можел да биде оригинал или заверена копија од официјалниот документ кој ги содржуи податоците за идентификација и кој не е постар од шест месеци и е издаден од властите одговорни за бизнис регистри или Комората за трговија на земјата на основање што зависи од секоја држава Членка на ЕУ поединечно.

За дополнителни информации слободно обратете се на броевите 3292105 (ТИР одделение - Игор), 3292145 и 3292122 (Драган).

Корисни линкови за неколку држави членки на ЕУ каде што можат да се најдат информации за EORI броевите.

ОБЈАВЕНО: 30.06.2009

                                             УПАТСТВО

за начинот и постапката за примена на Правилникот за посебните техничко-експолоатациони услови за возилата за вршење на одделни видови на превоз во патниот сообраќај(“Сл. Весник на РМ” бр. 87/07, 34/08 и 20/09)

Со ова упатство поконкретно се дефинираат и онјаснуваат одделни одредби од Правилникот за посебните техничко-експолоатациони услови за возилата за вршење на одделни видови на превоз во патниот сообраќај(“Сл. Весник на РМ” бр. 60/07, 86/07 и 20/09),  со цел нивна еднообразна примена од страна на овластените станици за технички преглед при утврдувањето на посебните техничко експлоатациони услови што треба да се исполнуваат за вршење одделни видови превоз во јавниот патен сообраќај.

Упатството можете да го најдете тука

Службен весник бр.87/07
Службен весник бр.34/08
Службен весник бр. 20/09

ЛИЦЕНЦИ ЗА ВРШЕЊЕ ПРЕВОЗ НА ПАТНИЦИ И СТОКА ВО ВНАТРЕШНИОТ И МЕЃУНАРОДНИОТ ПАТЕН СООБРАЌАЈ

Се известуваат превозниците кои вршат дејност превоз на стоки и патници во внатрешниот и меѓународниот патен сообраќај дека во Министерството за транспорт и врски во тек е постапка за издавање на лиценци согласно Законот за превоз во патниот сообраќај („Сл. весник на РМ“ бр. 68/2004 и 127/06) и Правилникот за формата и содржината на лиценците за вршење на одделни видови на јавен превоз во патниот сообраќај и начинот и постапката за добивање и одземање на лиценците како и за продолжување на лиценцата за авто – такси превоз на патници („Сл. весник на РМ“ бр. 46/2007).

Се повикуваат сите превозници во најкус можен рок до Министерството за транспорт и врски да достават писмено барање со потребната документација за издавање на лиценца за вршење на одделен вид на превоз.

Исто така, се известуваат превозниците кои вршат превоз на патници во патниот сообраќај дека почнувајќи од 31.08.2009 година и превозниците кои вршат превоз на стоки во патниот сообраќај почнувајќи од 30.09.2009 година, доколку не поседуваат лиценца за вршење на одделен вид на превоз нема да може да добиваат било какви дозволи, решенија, потврди и документи кои произлегуваат од Законот за превоз во патниот сообраќај.

Упатството со процедурата за добивање на лиценца за вршење превоз на патници и стока можете да го најдете тука

Образец од барањето што треба да се достави до министерството за транспорт и врски можете да го најдете тука

НАГРАДИ НА ИРУ "ГРАДСКИ ТРОФЕЈ" и "EUROCHALLENGE" ЗА 2009 ГОДИНА

Како и изминатите години, така и оваа година ИРУ ќе ја додели наградата "Градски трофеј" за најзаслужните градски власти кои што применувале политики во корист на автобускиот транспорт, како и наградата "Eurochallenge", за најдобрите транспортни компании од облста на автобускиот патен превоз. Детали за критериумите, условите и начините на аплицирање можете да најдете подолу.

Градски трофеј 2009

Eurochallenge 2009

Термини за предавања и полагање на испити за АДР во 2009 година

Термините за предавањата и испитите за АДР сертификати за превоз на опасни стоки можете да ги најдете тука.

Средба на македонско-турска мешовита комисија за патен сообраќај

На 6-ти и 7-ми мај во Скопје се одржa работен состанок  на македонско - турската мешовита комисија за патен сообраќај.

На работниот состанок, по барање на македонската делегација за дополнителен контингент на дозволи за 2009 година, турската делегација се согласи дополнително да се разменат по 50 дозволи за билатерален превоз на стоки при влез на празни камиони и по 50 дозволи за превоз на стоки за и од трети земји.

Делегациите постигнаа договор прелиминарната квота на дозволи за превоз на стоки во билатерала при влез на празни возила и за превоз на стоки за и од трети земји за 2010 година да изнесува: 3.050 билатерални дозволи за влез на празни камиони и 1.050 дозволи за превоз за и од трети земји.

Ќе биде потпишан и протокол од состанокот на македонско - турската мешовита комисија за патен сообраќај. Согласно протоколот, двете делегации потврдуваат дека билатералниот превоз на стоки за натоварени возила во влез и излез, како и транзитниот превоз на стоки, треба да биде ослободен од режим на дозволи.

Дозволите за превоз на стоки разменети во тековната година ќе бидат со важност до 31 јануари наредната година.

Зголемувањето на квотата на дозволи во услови на светска економска криза претставува поттик и можност за македонските превозници во континуитет да ја продолжат и унапредат својата дејност.

 

Објавено: 12.05.2009

 

Покана

Се покануваат членките на Стопанската интересна заедница за патен транспорт Македонија Сообраќај АМЕРИТ-Скопје, да присуствуваат на VIII. седница на Собранието на стопанската интересна заедница, која ќе се одржи на ден 14.05.2009 година (четврток), со почеток во 11 часот, во работните простории на заедницата .

Дневниот ред за седницата можете да го најдете тука.

Објавено: 06.05.2009

ЗАКОН ЗА ПРЕВОЗ ВО ПАТНИОТ СООБРАЌАЈ

Вашите забелешки, предлози и сугестии во врска со предлог-законот за превоз во патниот сообраќај се добредојдени и можете да ги доставите на e-mail: amerit@amerit.org.mk, или: marija@amerit.org.mk, најдоцна до петок, 1 мај 2009 година.

Текстот на предлог-законот можете да го најдете овде .

ПРЕЧИСТЕН ТЕКСТ НА УРЕДБАТА ЗА ИЗМЕНУВАЊЕ И ДОПОЛНУВАЊЕ НА ПОСТАПКАТА, КРИТЕРИУМИТЕ И НАЧИНОТ НА РАСПРЕДЕЛБА НА ДОЗВОЛИ ЗА МЕЃУНАРОДЕН ПРЕВОЗ НА СТОКИ

Стручната служба на СИЗ за патен транспорт Македонија Сообраќај-АМЕРИТ изготви прелистен текст на Уредбата. Пречистениот текст можете да го најдете овде

УРЕДБА ЗА ИЗМЕНУВАЊЕ И ДОПОЛНУВАЊЕ НА УРЕДБАТА ЗА ПОСТАПКАТА, КРИТЕРИУМИТЕ И НАЧИНОТ НА РАСПРЕДЕЛБА НА ДОЗВОЛИ ЗА МЕЃУНАРОДЕН ПРЕВОЗ НА СТОКИ

Владата на Република Македонија, на седницата одржана на 24.03.2009 донесе уредба за изменување и дополнување на уредбата за постапката, критериумите и начинот на распределба на дозволи за меѓународен превоз на стоки. Текстот на уредбата е објавен во службен весник на РМ бр.46/2009, а можете да го најдете овде.

Втор избор за најуспешни транспортери

Како и минатата, така и оваа година стопанската интересна заедница за патен транспорт "Македонија Сообраќај" АМЕРИТ ќе изврши избор на две најуспешни фирми и двајца најуспешни менаџери во областа на патничкиот и стоковиот патен транспорт.

Сите заинтересирани транспортни компании своите апликации треба да ги достават до СИЗ-от најдоцна до 31 март оваа година, по што стручната комисија ќе ги избере најуспешните, а симболичните награди ќе бидат доделени за време на пролетно собрание на Заедницата.

Повеќе детали за критериумите и начинот на аплицирање на тел. (02)3292120.

Формуларите за аплицирање можете да ги најдете во продолжение, и тоа:

Прашалник за најуспешна фирма

Прашалник за најуспешен менаџер

ЦЕМТ  МУЛТИЛАТЕРАЛНА КВОТА – ПРИРАЧНИК ЗА КОРИСНИЦИ

Прирачник за превозници и државни власти кои ја користат ЕЦМТ мултилатералната дозвола за стоков транспорт

Во моментов достапна е електронската верзија на документот на француски и англиски јазик, и истите можат да се превземат бесплатно овде.

Англиско/француска верзија

Англиско/руска верзија

Намалување на патарините за странски возила во Србија

Од 20 февруари 2009 година, во Србија се намалени патарините за странските возила, поточно, патарините за странските возила се изедначени со оние за домашните возила. Тоа значи дека од овој датум, и странските и домашните возила ќе плаќаат исти давачки за користењето на автопатната мрежа во Србија. Новите тарифи за странските возила можете да ги најдете овде.

Почитувани,

Министерството за транспорт и врски до нашата заедница достави текст на предлог-закон за превоз во патниот сообраќај, со цел да дадеме мислење за истиот.
Со оглед на тоа што времето за доставување на нашето мислење по понудениот предлог-закон е многу кратко, не сме во можност да организираме расправа по истиот на заедничка средба.
Од тие причини, Ви го доставуваме текстот на предлог-законот на разгледување, и Ве молиме Вашите мислења и предлози во врска со истиот да ни ги доставите во писмена форма, најдоцна до понеделник,(23.02.2009 година), за да можеме истите да ги обработиме и како заеднички мислења да ги доставиме до предлагачот, министерството за транспорт и врски на Р. Македонија.

Текст на предлог-законот.

П О В И К

Во 1999 година, Меѓународната унија за патен транспорт (ИРУ), со седиште во Женева, во соработка со своите членки ја создаде мрежата за правна помош на ИРУ, со цел транспортните оператори  да можат да се потпрат на компетентни правници во случај на проблеми со кои се соочуваат во текот на професионалните должности.
Мрежата, со текот на времето, постојано се зголемува (моментално 38 земји се дел од мрежата). Истата се покажа како корисна за транспортните оператори низ целиот свет.
Имајќи во предвид дека Р.Македонија не е застапена во мрежата, ги повикуваме сите адвокати со искуство во областа на транспортот или кои дејствуваат во област која е често значајна за транспортната индустрија и имаат познавање на најмалку еден од следните светски јазици (англиски, француски, германски или руски јазик), да достават свое CV со детали за нивните области на експертиза, на следната адреса:

СИЗ „Македонија Сообраќај“ АМЕРИТ - Скопје
Градски ѕид, Блок 13
1000 Скопје

Врз основа на извршените пријави, Стопанската интересна заедница ќе изврши избор на лица кои ќе ги предложи да бидат дел од мрежата за правна помош на ИРУ.

p.s. Лицата кои сакаат да станат дел од мрежата е потребно да ги имаат во предвид следните два документи:
-       Повелба за правници на мрежата за правна помош на ИРУ
-       Формулар што треба да се пополни од страна на експертот кој сака да стане дел од мрежата. Се пополнува англиската верзија на формуларот

Лице за контакт: Марија Поповска, Тел.02/3292-120.

 

УКРАИНА: Прелиминарно известување („ПП“) / Прелиминарна декларација („ПД“) која треба да биде во согласност со тековното национална легислатива за увоз на стоки

Украинската асоцијација за патен транспорт, ASMAP, информира за новата измена во процедурата при влез во Украина.

Имено, за да се изврши увоз на стоки на територија на Украина, локалните приемачи на стоките мора да достават Прелиминарно известување („ПП“) / Прелиминарна декларација („ПД“) до царинската служба на Украина а согласно националната легислатива (член 93 од Царинскиот Код на Украина; Одлука на царинската служба на Украина бр. 551 од 03.07.2006, Одлука на царинската служба на Укарина бр. 129 од 28.02.2003).

Согласно Одлуката на царинската служба на Украина бр. 1227 од 12.12.2005, од 1 јануари 2009 година на сите возила кои превезуваат стоки за Украина со било каква цел, освен транзит, а немаат доставено Прелиминарно известување („ПП“)/Прелиминарна декларација („ПД“), ќе им биде одбиен влез во Украина.

ЕЛЕКТРОНСКИТЕ ПРЕД-ДЕКЛАРАЦИИ СТАНУВААТ ЗАДОЛЖИТЕЛНИ ОД 1 ЈАНУАРИ 2009!

Од 1ви јануари 2009, можете да ги испраќате вашите електронски пред-декларации за само 15 мин. преку интернет, на веб страната http://www.nctstir.org/.
Од 1ви јануари 2009, стапува на сила новата регулатива на Европската Унија, со која се бара ТИР информациите да се испраќаат електронски до појдовните/влезни царинарници во ЕУ. Ова ќе важи за сите ТИР транспорти кои влегуваат или започнуваат во Европската Унија. 
Со цел да се овозможи операторите да го исполнат овој услов, ИРУ изготви веб апликација наречена ТИР-ЕПД, со која може да доставуваат електронски пред-декларации на едноставен и стандардизиран начин. Користењето на веб апликацијата ќе биде бесплатно за одобрените ТИР корисници.
Со користење на оваа апликација, која веќе е достапна на интернет, транспортните оператори нема да бидат присилени да користат услуги од трети страни, и ќе ја зачуваат доверливоста на нивните комерцијални податоци.
За влез во ТИР ЕПД апликацијата, корисниците мора да контактираат со нашата асоцијација. Вашите прашања можете да ги доставите писмено, по телефон, факс или е-мејл.

СИЗ „Македонија Сообраќај“ АМЕРИТ
Градски ѕид, Блок 13
1000 Скопје
Република Македонија
Тел. 02 3292 122 Драган Ивановски
02 3292 105 Игор Наумовски
02 3292 191 Оливера Миовска
Факс: 02 3298 968
Е-mail: amerit@amerit.org.mk

Барањето за добивање влез за апликацијата на ИРУ, за електронските пред-декларации можете да го најдете овде

Максимално дозволено количество гориво на влез во Бугарија

Од 1 јануари 2009 година, максимално дозволената количина на гориво кое може да се внесе во земјата во резервоарите на товарните возила од земјите надвор од Европската Унија изнесува 200 литри.

Барање за виза за професионални возачи

На 1 јануари 2008 година стапи во сила Спогодбата за олеснување на издавањето визи меѓу Република Македонија и Европската заедница. Со Спогодбата се поедноставува издавањето визи за граѓаните на Република Македонија за планиран престој кој не надминува 90 дена во период од 180 дена. Спогодбата се применува од сите земји-членки на Европската Унија, со исклучок на Данска, Велика Британија и Ирска.

Помеѓу олеснувата е и издавањето бесплатни визи за одредени категории граќани, меѓу кои се и возачите кои вршат меѓународен превоз на товар и патници во териториите на земјите-членки, со возила регистрирани во Република Македонија. Притоа, возачите мора да поднесат писмено барање од здружение на превозници во Република Македонија кое врши меѓународен патен превоз, во кое се наведени целта, времетраењето и зачестеноста на патувањата.

Членките на СИЗ Македонија Сообраќај ваквото барање можат да го добијат кај нас, со тоа што на свој меморандум ќе пополнат барање и ќе го достават кај нас по електронски пат или по факс. Врз основа на тоа, СИЗ Македонија Сообраќај ќе издаде барање адресирано до соодветната амбасада, које членките, заедно со останатите документи ќе го поднесе при аплицирањето за виза. Барањето можете да го најдете овде.

Бесплатни визи за Романија

Романија на 23 август 2007 ја укина таксата за сите видови влезни визи за македонските граѓани. Тоа значи дека романските визи се бесплатни за сите државјани на Р. Македонија, во кои спаѓаат и професионалните возачи на камиони и автобуси, кои, заради природата на нивната професија, се и најчести корисници на романските визи. СИЗ за патен транспорт Македонија Сообраќај-АМЕРИТ го поздравува овој потег на романската влада, и се надева дека нејзиниот пример ќе го следат и владите на останатите земји во Европа.